Gaur, hilak 12, atzen hilabeteetan danon ahoetan egon dan eklipse totala ikusi ahalko da gurean. Eklipse partziala 19:30ak aldera hasiko da eta osotasun-fasea 20:27an helduko da. BEGITUk, argazkiak ateraten badozuz, begitu@begitu.eus helbidera bialdu eta udako argazki lehiaketean parte hartutera konbidetan deutsu.

Abuztuaren 12an, gertakari astronomiko zirraragarrienetako bat bizi ahal izango da Arratian, Ubiden eta Zeberion. Euskal Herri osoan ikusi ezin izango dan arren, gure eskualdea eklipse totalaren eremuaren barruan egongo da. Ilargia Eguzkiaren aurretik pasauko da eta guztiz ostenduko da segundo batzutan: Diman adibidez 34 segundo inguruan, eta Zeberion, 41.