Dimako Lamindao auzoko Garena jatetxeak 2024an produktu eta zerbitzuez horniduten ebazan ekoizle eta artisauen komunidadea batu eban, Gardena Manifestua sinatuteko. Helburua antxinako baserrietako barazki eta animaliak, eta honeek jagoteko moduak berreskuratu eta gordetea da, antxinako plater eta saboreei barriro bizia emoteko. Oin, ekimen honen garapenetik sortu da Gardena merkatua, maiatzaren 10ean jatetxeko terrazan egingo dana.

Bihar, hilak 9, Laminetxe Gaztetxearen 4. urteurrena ospatuko dabe Areatzan. 2007an zabaldu eben gaztetxea, baina 2015ean eten egin zan haren jarduerea. 2022an, ostera, belaunaldi barri batek barriro martxan ipini eban asanblada bidez, eta ordutik hainbat ekimen eta jarduera antolatu dabez herrian.