Izena egunean berean, hau da, bihar, be emon ahal izango da Zeberiora bertaratuta. Austarri Mendi Klubak antolatuta, Zeberioko Harana Mendi Martxea egingo da bihar, hilak 25, zapatua. Euskal Herriko Iraupen Luzeko Ibilaldien Zirkuiturako puntuagarria izango da, eta 43, 24 eta 15 kilometroko hiru ibilbide eskaintzen ditu.

Datorren domekan, aprilak 26, andrazkoen esku-pelota izango da protagonista Lemoako pelotalekuan. Emakume Master Cup egitasmoaren barruan, topaketa irekia antolatu dabe, parte hartu, probau eta giro onean kirolaz gozatzeko aukerea eskainiz. Ekimenaren helburua argia da: andrak pelotea ezetutea eta praktiketan animetea, esperientzia maila edozein dala be.