Atzo, Ganzabal Mendi Taldeak antolatuten dauan Lemoatx Trail mendi jardunaldiaren hamargarren edizinoa jokatu zan Lemoan. Lemoatx eta Belatxikieta protagonista moduan dituan lasterketa eta martxak arrakastea izan eben, aldez aurretik saldu ziran-ta 850 dorsalak.
25K lasterketan, gizonen arteko garailea Aner Zuluaga igorreztarra izan zan 02:08:04ko denporeagaz. Estu-estu lortu eban lehen postua, Paul Goitisologaz (02:08:10) atzen sprintean lehiatu ostean. Alexander Ordeñana (02:09:48) izan zan hirugarrena. Andran podiuma, Laura Varas (02:48:31), Paule Portilla (02:50:21) eta Iraia Salterainek (02:56:42) osotu eben.
17K lasterketan barriz, arratiar andrak izan ziran protagonistak. Itsasne Bengoetxea zeanuriztarra izan zan lehena 01:55:53ko denporeagaz, bigarrena Eider Sobron (01:56:41) eta hirugarrena Deiene Gurtubai (02:04:04) igorreztarra. Gizonezkoen podiumean Ian Olazar (01:30:59), Egoitz Aranzeta (01:32:08) eta Gorka Sagarna (01:33:08) egon ziran.