BEGITUk martxan dauka argazki lehiaketea, irakurleek oporretako euren esperientziak besteakaz alkarbanatzeko. Parte hartzeako, 2026ko oporretan egindako argazkiak begitu@begitu.eus helbidera bialdu behar dira urri lehenengoaren 25a baino lehen. Ez dira zertan leku exotikoetan ateratakoak izan behar, gure inguruetan egindako oporraldietakoak be izan daitekez.

Abuztuaren 12an, gertakari astronomiko zirraragarrienetako bat bizi ahal izango da Arratian, Ubiden eta Zeberion. Euskal Herri osoan ikusi ezin izango dan arren, gure eskualdea eklipse totalaren eremuaren barruan egongo da. Ilargia Eguzkiaren aurretik pasauko da eta guztiz ostenduko da segundo batzutan: Diman adibidez 34 segundo inguruan, eta Zeberion, 41.