Aurrekoetxeak BEGITUn argitu dau sano pozik urten zala partidutik, irabazteaz aparte, oso sentsazino onakaz jokatu ebalako. Holan, bere helburua hurrengo partiduak irabazten joatea eta bere izena trinketeko zirkuituan zabaldutea dala adierazo dau lemoaztarrak.
Eskuz banakako txapelketa honen lehenengo jardunaldian beste neurketa bat be jokatu zan. Iker Rekaldek Ugaitz Elizalde 40-21 menderatu eban. Holan, Aurrekoetxeak eta Rekaldek hurrengo faserako txartela eskuratu eben.
Bigarren jardunaldia datorren astelehenean, zemendiaren 23an, jokatuko da, Garat trinketean bertan. Aurrekoetxeak Peio Larrechearen aurka neurtuko ditu indarrak 16:30ean; Rekaldek, barriz, Unai Etcheverry izango dau aurkari 17:30ean.