Aurreko udan zabaldu ebazan ateak Lemoan Kotxepin Kultur Etxeak eta barriro agertu dira fatxadako harriak apurtuta. Urri lehenengoan 63 apurtu ebezan, aste honetan 10. Baina oingoan, kalte gehiago be eragin dabez ezezagunek.
Argazkian: urri lehenengoan egindako apurketak
Kotxepin kanpokaldean dagoan komuneko atea eta Elizondoko kulturguneko leiho barrietako bat be agertu dira apurtuta.
Eukeni Bikarregi alkateordea: "Herritarrenganako errespetu falta galanta da gertatzen dabilena. Kotxepin Kultur Etxea ez da eraikin bat bakarrik; Lemoako herritarrentzako alkargune bat da".
"Hirugarrenez berba egin behar dogu kultureagaz, liburuekaz edo musikeagaz zerikusirik ez daukan gertakariren baten inguruan" kexau dira Udal arduradunak azken apurketakaz.
Segurtasun kamarak
Kotxepin Kultur Etxean segurtasun kamarak ipintea aurreikusi zan hasikeratik, baina honeen instalazinoa atzeratu egin da. Udalak azaldu dau pandemiak eta tresna informatikoen hornidura falteak eragin dauala atzerapena.