Kristonak talde arratiarra Ahobetehortz disko barria aurkeztuteko biran dago murgilduta eta martiaren 16an, eguena, Gasteizko Jimmy Jazz aretoan egingo dabe kontzertua Nevadah taldeagaz batera. Holan, Areatza Musik&Beer-gaz batera, autobusa antolatu da Arratiatik bertara joateko.
Autobusak joan-etorria egingo dau eta erreserbagaz batera, 5€ ordaindu beharko dira. Lekua gordetako Areatzako Hagina eta The Quiet Corner tabernetan edo Igorreko Axular herriko tabernan eta Kukuman emon behar da izena.
Martiaren 16an, Jimmy Jazzeko ateak 21:00etan zabalduko ditue. Autobusa Igorretik urtengo da 20:00etan eta Areatzatik pasauko da hamabost minutu beranduago. Bueltea barriz, 23:45ean egingo da Gasteizetik.