Hilaren 6an hasi zan eta hileko atzen domekara arte, hilak 29, hamabi jarduera desbardin antolatu dira herrian: kontzertuak, jantzak, mendi urtekerea, baba-jana, proiekzinoa, berbaldiak, antzerkiak, bertsoak eta amaituteko, merkadua.
Astegoien honetarako jarduera bi dagoz antolatuta:
· Gaur, hilak 13, Zaintzaren dantza librea antzerkia ikusteko aukerea egongo da 17:30ean Plazako Ermita Zaharrean. Zaintzaren dantza librea Lari Produkzioak eta Eidabe konpainiek sortutako umeentzako antzerkia eta musikea buztartuten dauzan ikuskizuna da. Antzezlanak zaintzearen inguruko galderak planteetan ditu, euren artean zelan ikasten dogun gure burua zaintzean eta nork daroan gizartean zaintzearen pisua.
· Bihar, hilak 14, goizean-goiz hasiko dabe eguna. 08:00etan mendi urtekerea egingo dabe Maiaga-Atxbiribiletik eta ostean baba-jana egongo da. Arrastian barriz, Go!azen telesailaren denporaldi barriko lehenengo kapitulua ikusteko aukerea eukiko dabe herriko gaztetxoenek 18:00etan Plazako Ermita Zaharrean.