Txubelaso Guraso Elkarteak antolatuta, Zeberioko Udalaren laguntzeagaz eta Bizkaiko Foru Aldundiaren Eskola Kirola programearen baitan, Herri Kirol Topaketea egingo da Zeberioko plazan aprilaren 6an. Bertan, Lehen Hezkuntzako 3. mailatik 6. mailara arteko ikasleek hainbat herri kirol probetako aukerea izango dabe: ingude jasotea, txinga eroatea, txokor batzea, giza probak eta sokatirea.
Helburu nagusia, ume eta familiak kirolaren inguruan batzea da baina Txubelasu Guraso Elkarteak dirua be batu gura dau, urtean zehar antolatuten diran ekintzak aurrera atera ahal izateko. Holan, bazkaria be antolatu dabe aprilaren 6rako: patatak errioxar erara, postrea, ardaoa, ura, ogia eta kafea barne. Txartelak martiaren 30era arte lortu daitekez Amañen, Herriko Bentan zein Taberna Zaharrean; horrezaz gainera, guraso alkarteko kideei be eskatu ahal jakiez. Helduentzako prezioa 13 eurokoa da eta umeena 8 eurokoa baina bost urtetik azpiko umeek, doban bazkaldu ahal izango dabe.