Aurten be, Zeberioko Mandoia Pelota Kirol Klubak umeentzako campusa antolatu dau Aste Santurako. Aprilaren 2, 3, 4 eta 5ean, 10:00etan hasi eta 14:00etara arte egingo dira ekintzak Zubialdeko frontoian. Bertan, ume eta gaztetxoek euskal pelota modalidade desbardinak probetako aukerea izango dabe: eskupelotea, palea, zesta-punta...
Izena 666 025 389 WhatsApp bidez idatzita emon daiteke. Zeberioko umeentzako prezioa 25 eurokoa da eta Zeberion erroldatuta ez dagozenentzako prezioa barriz, 50 eurokoa. Ez dago zehaztuta adin tarterik, baina Lehen Hezkuntzako umeek emoten dabe batez be izena.