Zeberio eta Orozko bananduten dauzan Untzueta mendian XI. mendean eregitako nafar gaztelu baten errastuak dagoz. Han 11:30ean, hamaiketako herrikoia eta 12:00etan, aurreskua eta ekitaldia egingo dabe zapatuan, hilak 3. Txalapartariak eta albokariak be egongo dira ekitaldia girotzen.
Zeberiok, Ugaok, Arrankudiagak, Zollok, Arakaldok, Orozkok eta Laudiok osotuten dabe taldea eta taldearen helburua memoria historikoa berreskuratzea, ondare historikoa balorean ipintea eta horren bitartez ,"lurraldetasuna finkatzea" da.
2020an izan ezik, 2014tik urtero egiten dabe mendi igoerea eta ekitaldia Untzueta Nafar taldekoek. Pasau dan urtean, egun berezia izan zan, Gaztelakoek Amaiurko gaztelua lehertu eben bostehungarren urteurrena gogoratu ebelako.