Santa Kurtze egunean, maiatzak 3, mezea ermitan eta ostean barauskarria egongo dira, baina jaiak barikuan, hilak 5, 18:30ean txupina botatakoan. Tortilla lehiaketea egongo da orduan eta 20:15ean jantza, plazan. 21:00etan izango da sari banaketea eta ostean, parrilladea eta trikitilariak egongo dira.
Zapatuan kontzertuak egongo dira: Atxurkada, Lokers, Acido Flokorico eta Dj Matxinadak girotuko dabe gaua 21:00etatik aurrera. Baina ez hori bakarrik; egun osorako egitaraua prestatu dabe zapaturako Jai Batzordeak eta Udalak. Holan, goizean, mendi ibilbidea egongo da Santa Kurtzetik 10:30ean abiatuta eta 13:00etan, herri kirolak. Auzo bazkaria egingo dabe, bakotxak etxetik eroandakoagaz eta ostean bingo musikatua egongo da. Arrastiko 18:00etan, jolasak egongo dira eta, kontzertuak hasi aurretik, 20:00etan, txokolatea bananduko da.
Domekan, desmontajeari ekingo deutsie auzolanean eta ostean, konbidaduen bazkaria egongo da.