Zeberioko Udalak eta Inontza Ingurumen Hezkuntza proiektuaren kideek, herritarren parte-hartzeagaz, Ermitabarriko biodibersidadea berbizteko ahalegina egingo dabe. Horretarako, bertako basoan txorientzako habi kutxak eta janlekuak eskegiko dira martiaren 3an egingo dan urtekeran.
Baina aurretik, habi kutxak eta janlekuak egin behar dira eta horretarako, tailerra antolatu da biharko, hilak 24. Kultur Etxean da hitzordua, arrastiko 17:00etan eta izena emon behar da aldez aurretik, 688 877 434 telefonoan edo inontza.ih@gmail.com helbidean.
Eskegiteko urtekerea barriz, hurrengo barikuan egingo da, martiak 3. Ermitabarrin 16:30ean batu eta inguruko basora joango dira habi kutxa eta janlekuak eskegiteko.