Hilaren 18an, arrastiko 15:00etan Zeberioko Udalak sare sozialen bidez jakinarazo eban Uriondo auzoko pinudi batean "sasi batzuk sutan" egoazala. Suhiltzaileek bigarren mailako sute lez sailkatu eta zortzi ponpa-auto bidali ebezan, 19:00etarako lortu eben hau kontrolpean izatea eta ordu bi geroago adierazo eben guztiz amatauta egoala. Halanda be, suhiltzaileen prebentzino talde bat geratu zan ingurua kontrolpean eukiteko.