Zeberioko udalerria parte dan Nerbioi-Ibaizabaleko Mankomunidadeak ipini dau martxan gaur hasi dan oinarrizko materialen bilketea. Ukraina-Euskadi Garapen Lankidetzarako Alkarteagaz lankidetzan, batutakoak "Ukrainako populazino zibilarentzako" eroango dabez.
Momentuz, eskatu dabena umeentzako janaria, latako elikagaiak, osasun materiala (ez botikak), pilak, kandelak, kanpin-gasak, ura edangarri egiteko pilulak eta norberaren garbitasunerako produktuak dira.
Eskualde mailan, produktuok Ugaoko Usilako industrialdera eroateko deia egin dabe; 1. kaleko 2. pabiloira, astelehenetan eta eguenetan 09:30etik 11:00etara, eta eguaztenetan 18:00etatik 20:00etara. Baina Zeberioko udaletxean be batuko ditue astebarruan 08:00etatik 15:00etara.