Domekan goizean, 08:00etan urtengo da autobusa Zeberioko plazatik. Austarri Mendi Taldearen urteko lehenengo urtekerea izango da hau, oingoan Enkarterri oinez ezetutera joango dira, Zallan hasi eta Balmasedan amaituta.
Bidean tontor ugari pasauko dabez parte-hartzaileek, lehenengoa izango da 678 metrora heltzean dan Rioya. Handik, Somokurtziora (686 m) eta jardunaldiko mendi altuenera joango dira, 696 metroko Trasmosomos. Gero, Arbalitzatik (683 m) pasau eta bertako buzoia ikusi ostean bajatuko dira Balmasedako herrigunean ikustera. Ibilbideak 11 kilometro eta erdi ditu osotara.
Izena emoteko atzen eguna da urtailaren 13a. austarrimenditaldea@gmail.com helbide elektronikora idatzita emon daiteke izena. Informazino gehiago lortzeako telefonoak dira 656 415 597 eta 665 735 054.
Bazkide nagusientzako prezioa zortzi eurokoa da eta, umeek lau euro ordaindu beharko dabez. Bazkideak ez diran nagusiek barriz, hamar euro ordaindu beharko dabez eta umeek erdia, bost euro.