Beitia eta Bernaolak 22-19 irabazi eutseen Ander Etxaniz eta Endika Santestebaneri. Berez, Julen Aizpuruk jokatu behar eban Beitiagaz batera baina eskuan euki eban istripu baten ondorioz Bernaolak hartu behar izan eban bere lekua kantxan. Beitiak BEGITUn adierazo dauanez, ez zan izan berak jokatutako finalik onena, batez be partiduari hasikera txar bat emon eutseelako, baina azkenean, kontrako bikotea baino gehiago izatea lortu eben Beitiak eta Bernaolak, eta holan, irabazle txapelak etxera eroatea lortu eban bikoteak.
Irabazle txapelaz aparte, Beitiak oso pozik dagoala adierazo dau BEGITUn, txapelketako pelotari onenaren saria be lortu ebalako.