EAJ-PNVko kide arratiarrak Zeanurin batuko dira oingo hilaren 3an, zapatua, Arratiako Alderdikide Eguna ospatzeko. Ekitaldi politikoa 12:30ean hasiko da, eta “hainbat erakundetako ordezkariren parte-hartzea” izango dala aurreratu dabe. Amaitutakoan, mokautxoa egingo da.
Zeanuriko hitzordua Forondako ospakizunaren hurrengo astean dator. Han, EAJ-PNVk 50. Alderdi Eguna ospatu eban.
Datorren urteko Udal eta Foru Hauteskundeei begira, alderdiak hainbat alkategai aurkeztu ditu dagoeneko Arratian: Anton Zuluaga Igorren, Esther Iturrioz Lemoan, Aitor Sorriketa Bedian eta Josu Gorospe Diman.
Begitu da Arratiako euskerazko aldizkari bakarra, eta zu bezalako irakurleen babesa behar dau aurrera egiteko. Zeuk be gugaz bat egin gura dozu?