Garagarrilaren 31n, San Inazio egunean, jente ugari igoten da urtero-urtero Gorbeiako kurutzera eta sortuko dan giroa baliatuta, Arrabako Elorria aterpeak plan berezia antolatu dau. Egun osoan zehar, Gorbeiako magaletako ekoizleak aterpean egongo dira euren produktuak saltzean: Askibil, Goberri, Ipiñaburu eta Lusuri gaztaiak, Azkarai baserriko eta Itxinapekoren okelea, Urigoitiko txorizoak eta Azkari zein Uxarbeiti baserrietako barazkiak.
Horrezaz gainera, aterpeko arduraduna dan Joseba Elorrietak eta bere ilobea dan Beñat Elorrieta aizkolariak egur txikitze desafioa egingo dabe. Negurako egurra zatituko dabe aterperako eta desafioan, 1.000 euro egongo dira jokoan. Desafioa 09:30ean hasiko da eta egun osoan, egurra amaitu arte, egongo dira aizkoreagaz joka.