German Gutierrez eta Carmen Garciak ekoiztutako filmak Coca-Colaren inperioak Colombia, Guatemala eta Turkia moduko herrialdeetan langileen eskubideak eta baldintzak hobetuteko burrukan dabizan sindikalisten kontrako bahiketa, tortura eta erailketa kasuak aztertuten ditu.
Horrezaz gainera, Palestine Cola dastatu eta erosteko aukerea be egongo da. 21:00etan afaria eta gero, “kantaldi antifaxistea” be egingo dabe bertaratutakoek.
Palestine Cola dastaketea eta erosketea
Gaurko dokumental proiekzino eta afarian Palestine Cola dastatuteko aukerea egongo da. Eguzkiolan, aurretik be zabalik dago Palestine Colaren eskaria egiteko aukerea. Zezeilaren 10aren aurretik egin behar da eskaerea eta edari gaseosoa 24 latako moltsoetan erosi ahalko da, 29,90 euroko prezioan. Cola normala, azukera bakoa, azukera bako energetikoa (25,90 euro), limoizkoa eta laranjazkoa dagoz aukeran; bai eta sabore desbardinetako nahasketak. Lata bakotxagaz, ekarpena egiten da Palestinarentzako.