Zemendiaren 23an, Pedro eta Iñigo Sagarna anaiek, 36. motorzaleen urteerea antolatu eben. Ekimen honen fundatzaileak Arturo Sagarna eta Iñigo Sagarna dira eta aurtengoan urteeran, Beñat Sagarna euren loba be euki dabe laguntzaile. Euskal Herriko txoko desbardinetako 120 lagun batu ziran pasatu dan domekan Zeanurin: Irunetik (Gipuzkoa), Arabako txoko askotatik, Bilbo Handitik, Aretxabaletatik (Gipuzkoa)... eta zelan ez, Arratiako herrietatik be. Goizeko 09:00etan geratzekoak izan ziran eta 09:30ean abiatutekoak, baina orduak atzeratu, eta atzenean 09:45 aldera uten eben Zeanuritik. Herritik bertatik urten eta Altun igon ostean, Basaguren Jatetxera hurbildu ziran armosua jateko. Hori eta gero, Ubiderantza tiratu eben eta Saldropo ondotik bueltatu ziran Zeanurira.
Pedro Sagarnaren berbetan, hurbildutako jentea oso gustura egon zan buelteagaz eta egunean bertan sortutako giroagaz. Datorren urterako indar askogaz dagozla azpimarratu dau eta egun polita izan zala.