Zeanuriko Otzerinmendi auzoan jaiak ospatuko dira oingo zapatu-domekan, abuztuak 2 eta 3. San Justo ermitearen iguruko harexpean ospatuko da egun biz luzatuko dan jaia. Urtero lez, jaiak auzo bazkariagaz batera hasiko dira, auzotarren antolatuta baina edonor joan daitekean bazkaria. Bihar, hilak 29, arte lortu daitekez txartelak 669 209 654 telefonora deituta (umeek 12 euro eta helduek 30 euro.
Bazkalostean barriz Mus eta Briska Txapelketak jokatuko dira. Hurrengo egunean, domekea, mezea ospatuko da ermitan eta ostean barauskarria eta erromeriatxoa egingo da. Bitartean, jentea Tortilla eta Paella Txapelketetarako prestaketetan murgilduta ibiliko da eta arrastian, bazkaria bajatuteko bola-joko txapelketea egingo da, andrazko zein gizonezkoena.
Otzerinmendiko San Justo jaiak (Zeanuri)
Abuztuak 2, zapatua
14:30ean, herri bazkaria San Juston.
16:30ean, Mus eta Briska Txapelketak.
Abuztuak 3, domekea
11:30ean, mezea.
Gero, barauskarria eta txistulariak.
13:30ean, Tortilla eta Paella Txapelketak.
17:30ean, bola-jokoa