Zeanuriko Mazala andra taldeak antolatuta, pornografiaren eta sexu hezkuntzaren gaineko lanketea egingo da oingo eguaztenean. Zeanuriko Kultur Etxean, 18:00etan da hitzordua eta gitxi gora-behera, ordu biko saioa egingo da. Pornorik ez, beste sexu hezkuntza baterantz izeneko berbaldia Skolastika eskola feministako kidea Josune Muñozek gidatuko dau.
Josune Muñoz sano ezaguna da Zeanurin, berbaldi ugari egin ditu bertan eta. Afganistango andra, sorginak eta sorgin-ehiza, andra baserritar eta literatura feministearen gainean egin ditu lanketa desbardinak Muñozek andra zeanuriztarrakaz. Izan be, Muñoz euskal filologoa eta Skolastika eskolako fundatzailea da. Eskola honek andrek egindako literaturea dauka ikergai eta hortik abiatuta, tailerrak, ikastaroak eta abar eroaten ditu aurrera. Holan, munduko eta garai desbardinetako literatura feministea zabaldu eta ikertzea dabe helburu Skolastikan.