Zeanuriko Udalak, irakurzaletasunari eta kultureari bultzadea emoteko Udabarria Loran ekimenagaz hainbat ekintza antolatu ditu martia eta aprila bitartean. Tartean dago, martiaren 21ean, barikua, Zeanuriko Kultur Etxean 19:00etan taularatuko dan Bittor Kapanaga izena eta izana, kontu-kantari ikuskizuna. Hurrengo ekintzak martiaren 27ko Emakume Abertzale Batza 100 urte liburuaren aurkezpena eta martiaren 28ko Mito ipuinak, zelan aitu eta zelan zaindu berbaldia.
Bittor Kapanaga (Otxandio, 1925; Gasteiz 2011) euskaltzalea eta idazlea izateaz gainera, pentsalari bikaina izan zan. Bittor Kapanaga izena eta izana. Kontu-kantari ikuskizunean, Xabier Amurizak, Gontzal Mendibilek eta Joseba Sarrionandiak bere pentsamentua emongo dabe jakitera.
"Bittor Kapanagaren teoriak puri-purian dagoz gaur egun. Bere izatea, pentsakerea, gogoetak, egitea... aztertuko dogu. Eta era berean, beragaz izandako hartu-emonak" azaldu deutso begituri Gontzal Mendibilek. Kapanaga, aztia, druida, pentsalari-ikerlaria, profeta, aintzindaria eta rara avis deitu eben ezetu ebenek eta bere ekarpena euskal kulturara aztertuko dabe "kontu-kantari", Amurizak, Mendibilek eta Sarrionandiak.