Urtero lez, Zeanuriko jaietako ekintza ludiko errebindakatzaileak prestatu ditu Eguzkiolak. Bihar, hilak 13, 13:00etan, mikro irekiagaz Palestina gogoan, vermouth musikatuagaz gozatuteko aukerea egongo da Egukiolako lokalean.
Eguaztenean, 13:00etan, izango da Arratia errekatik jeitsierea. Aurten, Palestinaren aldeko aldarria egingo dabe, Palestina askatu eta genozidioa gelditu lemapean. Partaideek, lokalean bainujantzia jantzi eta flotagailu eta uleorde koloretsuagaz ekingo deutsie jeitsiereari. Presa apurtutik plazaraino joango dira, ekintza ludiko eta aldarrikatzailean. Errekatik ibilteko oinetako erosoak eroateko gomendioa egin dabe antolatzaileek.
Barikuan, barriz, 18:00etan, Venezuelaren alde topa egin eta Zer gertatzen da Venezuelan? izeneko berbaldia egingo dabe Zulay Gil eta Maritza Milano aktibisteak, hauteskunde osteko Venezuelako giro nahasiaren barri emoteko.