Azkoitia, Berrobi, Hondarribia, Lezo, Mendexa eta Zeanuri UEMAko kide dira abenduaren 16tik aurrera. Izan be, Batzar Nagusia egin eban UEMAk Orion. Besteak beste, 2023an egindakoaren balantzea aztertu eta 2024rako egitasmo nagusiak onartu ebezan batzarkide diran alkateek eta zinegotziek. Udalerri Euskaldunen Mankomunitatera gehitzeko herri barriek egindako eskaerak be onartu ebezan.
Holan, joan dan zapatutik, UEMAko kide dira beste sei herri be. Zehazki, 107 udalek osotzen debe oin mankomunidadea, guztien artean 342.000 biztanleko lurgune euskalduna osotuz. Gurean, Zeanurigaz 6 dira UEMAn dagozan herriak: Arantzazu, Areatza, Artea, Dima, Igorre eta Zeanuri. Arratiatik, Maider Gandarias, Zeanurikoa; Iñigo Iruarrizaga, Areatzakoa; Ibon Ozerin Igorrekoa eta Haizea Ziarrusta Dimakoa egon ziran Orioko Arraunetxen egindako Batzar Nagusian.