Zeanuriko Udalak, Bizkaiko Foru Aldundiaren Garraio eta Mugikortasun Jasangarria Sustatzeko Sailaren bitartez, Bizipunto barria ipini dau herrian. Igertualdeko aparkalekuan dago Bizpuntoa, herri sarrerako aparkalekuan hain zuzen be, iturriaren alboan. Bertan, bizikletak konpondu zein garbitu daitekez.
Bizipuntoan, bizikletea manteniduteko behar diran tresna nagusiak topau daitekez: bihurkinak, giltz ingelesak, finkoak eta allenak. Holan, azkoin, kate eta plateretako torloju guztiak estutu ahal izango dira. Beste alde batetik, gurpilen zulaketak eta beste arazoak errezago konpontzeko, bizikletea eskegi daiteke bertan. Zuloketea konpondu ostean, gurpilak eskuz puzteko sistemea be badauka, manometroagaz.