Atzo jokatu zan, Donostiako Trinitate plazan, andrazko azkolarien Urrezko Kopa. Egin beharreko lana, inoz baino gogorragoa izan zan, bost oinbeteko ebagitetik 45 hazbetekora pasau ziran eta. Irati Astondoa azkolari zeanuriztarrak be hartu eban parte lehiaketan eta lortu eban podiumean sartutea, bigarren postuan hain zuzen be.
Lehena Nerea Arruti izan zan (17:33), Astondoari (18:48) minutu batetik gorako aldea aterata. Podiumeko atzena barriz, Nerea Sorondo (18:59) izan zan, atzen edizino bietako irabazlea. Atzetik egon ziran Maika Ariztegi (22:51), Uxue Ansorregi (23:09), Beatriz Tanco (27:09) eta Garazi Arruti (31:48).