Abuztuaren 14an jokatuko da Zeanurin XVII. Bizkaiko Arraza Libreko Artzain-txakurren Txapelketea, jaietako egitarau barruan be badagoana. Torreko soloan batuko dira sei artzain, sei txakur, ardiak eta ikusleak 18:00etan. Proban Jon Olibares zeanuriztarrak hartuko dau parte, Bizi txakurraren laguntzeagaz.
Olibares eta beste bost izango dira txapelketan parte hartzean daben artzainak: Bittor Bengoetxea, Puppy txakurragaz; J. Inaxio Irakulis, Beltzegaz; Juanjo Garate, Tinagaz; Igor Elordi, Lagunegaz; eta J. Ramon Azkargorta, Bategaz.