Domekan, Azpeitiako Izarraitz pelotalekuan azkora eta harri-jasotze txapelketa ugari jokatu ziran, Egur Sportek antolatuta. Honeen artean egon zan andrazkoen Urrezko Binakako Aizkolari Txapelketea, bertan hartu eban parte Irati Astondoa aizkolari, segalari eta trontzalari zeanuriztarrak.
Laiane Pikabeagaz batera aurkeztu zan probara, aurkariak Nerea Sorondo eta Nerea Arruti izan ebezan eta atzen honeek izan ziran irabazleak. Egin beharreko probak hamaika minutu eta 40 segundotan amaitu ebezan, Astondoa eta Pikabea baino minutu eta erdi arinago.