10:00etan hasiko dira Asterriko jaiak. Bolanderen zaratak Asterrie ezetuez ibilaldiari hasikerea emongo deutso. Ogaragoitiko plazan hasita, Ogarabeitira joan eta Lamindaotik Atxondoara joango dira. Handik, San Blasetik pasauta joango dira Emaldira, barriro be Ogaragoitin amaituteko.
12:30ean, barauskarria egingo dabe ibiltariek. Gero, 14:00etan izango da auzo bazkaria, aurretik izena emon dabenentzako.
Martitzenean, hilak 30, ospatuko da San Andresen mezea, izen bereko ermitan. Txokolate beroa banatu ostean emongo jako amaierea aurtengo Asterriko jaiei.