ABAO Txikiren programearen barruan, Rossiniren Guillermo Tell operearen ume eta gazteentzako bersinoa egongo da ikusgai Bilboko Arriaga Antzokian 2022ko urtailaren 3tik 5era. Artisau azoka eta Bilboko gabonetako argiak be ikusiko dabez arrasti berean Zeanuriko gaztetxoak.
Umeak begiraleakaz joango dira eta 16:00etan urtengo dira Zeanuritik. Opera ikuskizuna 18:00etan da, eta aurretik, Bilbon, artisautza azokea ikusiko dabe. 20:30ean abiatuko dira Zeanurira opera emonaldia eta Bilboko Gabonetako argiak ikusi ostean.
Umeak operara zaletuten
ABAO Txikik 2005-2006 denporaldian ekin eutsan bere ibilbideari, operea eta musikea orokorrean, txikerrenei hurreratzeko asmoz. Bilboko Operaren Lagunen Alkarteak antolatutako programea da, opera klasikoen gazteenentzako bersinoak ekarten arduratuten dana besteak beste. Operak publiko honetara egokitzen dira; ikuskizun koloretsu eta dibertigarriak izaten dira, ordubete ingurukoak eta kalidade handiko produkzinoetan.