Zeanuriko andrak batzean dauzan taldea da Mazala eta hainbat irakurketa tailer antolatu ditue urte amaierarako. Urri lehenengoaren 7an hasiko dabe Deskubritu gaitezen ahalduntzearen bidean dinamikea, irakurketearen bidez feminismoaren eta ahalduntze prozesuen inguruan lan egiteko. Eguen guztietan errepikatuko diran tailer honeek Gizagune Fundazioko Aitziber Hormazak gidatuko ditu. 17:30ean hasi eta 19:30ean amaituko dira abenduak 2ra arte luzatuko diran jardunaldiak.
Urri bigarrenaren 15erako be prestatu dabe literatura tailer bat, oingoan Uxue Alberdi idazle eta bersolariak gidatuko dau tailerra. Berak idatzitako Dendaostekoak liburua izango da jardunaldiaren ardatza, eta liburua irakurrita izatea gomendatu dabe antolatzaileek.
Dendaostekoak
1970eko hamarkadan, Uxue Alberdiren amak eta izekok Pitxintxu dendea ipini eben Elgoibarren. Dendariek, besteak beste, zelan bizi izan ebezan, grebak, manifestazinoak eta ETAren atentadu bi kontetan dau. Baita andra dendari bi honeen bizitzek askatasunaren alde egindakoa be.
Uxue Alberdi Estibaritz (Elgoibar, 1984) idazle eta bertsolari ezagun eta saritua da. Beste sari batzuen artean, Kontrako eztarritik saiakeragaitik Euskadi Literatura Saria jaso eban 2020an. Lehenago be, 2016an, jaso eban Euskadi Literatura Saria, haur eta gazte literaturan Besarkada lanagaitik.