Ubidestroi Kirol eta Kultura alkarteak antolatutakoa da Ubider, Ubideko garagardao artisauaren azokea. Bihar, hilak 21, ospatuko da merkadua 17:00etatik aurrera eta arrastia girotzeko, Ubier edalontzi bat garagardao nok lehenago edan lehiaketea eta kontzertu eskaintza zabala egongo dira, soul, metal eta musika elektronikoa entzun ahal izango dalarik.
Garagardao artisaua Elgetako Baobeer Brewing-ek, Gasteizko Scimmia ekoizle eta Garagart garagardaotegi ibiltariak ekarriko dabe. Honeen produktu desbardinak egongo dira postuetan, hurreratzen diranek dastatzeko. Jana be ez da faltauko, Tic Tac Ñam foodtruck-a Ubiden egongo da-ta.
Garagardoaz gainera, musikea izango da Ubier jaiaren beste ardatza eta bost taldek eskainiko dabez kontzertuak. Magufada bersino taldeak, Meison eta Kohatu rock talde berriztarrak, BSRT Kolektiv musika elektroniko egileak eta I+D & Wary taldeek eskainiko dabez kontzertuak plazako oholtzan.