Ibilbideko punturik altuena, Gorbeiako tontorra da (1.482 m), baina beste bost tontorretatik -Harrikurutz (851 m), Oketa (1.018 m), Aldamin (1.373 m), Arralde (945 m) eta Eneabe (782 m)-pasetan da. Lasterketak, naturagaz eta kirolariakaz konpromiso etikoa suposatzen dauan Etiketa Berdea dauka.
Bigarren edizino honetan, barrikuntza moduan, Ubidestroitxo, umeentzako lasterketea be prestatu dabe. Arrastiko17:00etan izango da, Ubideko plazatik hasita, 1,5 km-ko ibilbidea daukana. Gehienez 100 umek hartu daikie parte. Parte hartzeako, 16:30ak arte emon daiteke izena txosnan eta guraso edo tutorearen baimena behar da.
Lasterketa egunean arrastian, Orkresta Elektrotxarangeak eta Altxa Porru taldearen erromeriak ipiniko dabe jai giroa herrian.
Egitaraua
Maiatzak 26, barikua
- 18:00etatik 19:00etara, dorsal banaketea.
- 19:00etatik 19:30era, briefing-a.
- 19:30etik 20:30era, Itziar Zabalaren gaineko Amagana filma.
Maiatzak 27, zapatua
- 07:30etik 08:45era, dorsal banaketea.
- 09:00etan, lasterketearen hasikerea.
- 12:00etan, puzgarriak.
- 15:00etan, sari banaketea.
- 16:00etatik, 19:00etara, Orkresta Elektrotxaranga.
- 17:00etan, Ubidestroitxo umeen lasterketea.
- 20:00etatik 23:00etara, erromeria Altxa Porru taldeagaz.