Eguerdian, Manurgatik pasau ostean helduko dira furgoneta eta korrikalariak Ubidera. Bertatik, Barazar bajatu eta bailarako herrietatik pasauko da Korrika, Bediatik 16:15ean urteteko.
Gaur egin dau publiko AEKk aurtengo Korrikan lekukoak egingo dauan ibilbidea, "Hitzekin" lemapean. Berbek hizkuntzea eta ekintzek herria egiten dabelakoan zabaldu dau AEKk parte-hartzeako deia. 22. edizinoa izango da aurtengoa, 1980. urtean Oñatitik Bilborako Korrikea ospatu zanetik.
Korrikaren laguntzaile izateko aukerea be zabaldu dau AEKk. Hamabi euro ordainduta Korrikaren parte izan daiteke, eta abantaila ugari lortu: sarien zozketetan parte hartu, ekimenetan lehentasun eta deskontuak, deskontuak ikastaro eta Aizu! aldizkarian eta azkenik, Korrika laguntzaileentzako aldizkaria jaso. Lortutako dirua gau-eskola eta euskaltegietara bideratuko da.