31 personek hartu dabe parte Egunean Behin jokoaren Ubideko lehiaketan. Zortzigarren denporaldi honetan, puntu gehien lortu dauzan ubidarra Irati da, 2.527,83 puntu lortuta. MOONEKIren lamina bat jasoko dau sari lez.
Sari banaketea Ubideko plazan ospatuko da bihar, hilak 8, 17:30ean. Hiru sari emongo dira guztira. Izan be, "irabazle "sorpresa" bat be badago, Lavandularen produktu sorta bat jasoko dauana. Beste alde batetik, jokalarien artean ATIC181ren diru-zorro bat zozketatuko da.
Egunean behin
Tribial estiloko galdera-erantzunen jokoa da Egunean Behin. Egun bakotxean partida bakarra jokatzeko aukerea emoten dau online jokoak. Hamar galdera erantzun behar dira egunero, arineketan gainera, horrek emoten dauzalako puntuak. Holan, Euskal Herriko klasifikazinoan aurrera egitea da helburua.