Lemoako Karabiek, 27. urteurrena ospatuten dau bihar eta urtero lez, egun osoko jaia egingo da. 12:00etan hasiko da jaia txupìnazoagaz eta jarraian, futbito "patxangeroa" jokatuko da; bitartean, Mangual bikotea biniloak pintxetan egongo da eta marianitoak zerbitzauko dira. Bazkaria 15:00etan izango da.
Arrastiz, 18:00etan, jolas eta probakaz buztartutako poteoa egingo da herriko tabernetatik zehar. Gauez barriz, 22:00etatik aurrera, kontzertuak egongo dira: Ermua eta Elgoibartik etorritako Makis 37 punk-rock taldea eta Sua, Maruri-Jatabeko pop-rock bandea.
Jaiagaz segiduteko, Urbih Selektah dj-a egongo da reggae, dub eta dancehall musikea ipinten eta gero, edozeinek ipini ahal izango dau musikea -aurretik Karabiera Instagrametik mezua bidalita- DJ Maratoia ekimenean.