Urri lehenengoaren 2an, eguaztena, urteroko zita garrantzitsua izango dabe lemoaztarrek, San Antolin jaia hain zuzen be. Urtero lez, autobusak egongo dira Lemoatx azpiko ermitara igoteko eta bertatik bajatuteko, 10:00etatik 15:00etara eta 17:00etatik 21:00era. Izan be, egun osoko jaia ospatuko dabe bertan Lemoako kuadrillek giro ederrean.
Eguna 12:00etako mezeagaz hasiko da, San Antolin ermitan eta jarraian barauskarria izango dabe hurreratutakoek. Ostean, 13:00etan, Mendieta Herri Kirol taldeko azkolariek erakustaldia egingo dabe jentea baba lapikoak prestatuten dabilen bitartean. Lapikoak 14:00etarako aurkeztu beharko dira.
Arrastiaren lehenengo partea Joxe Mendizabalek girotuko dau bere musikeagaz eta 18:15ean petankara jokatuko dabe Lemoatx erara.