Ekintzaz beteriko eguna antolatu dabe Lemoako Jai Batzordeak eta Lemoako Udalak. 13:00etan emongo deutsie hasikerea egunari Arratiako Musika Eskolako ikasleen musikeagaz. Ostean, bertso bazkaria 15:00etan hasiko da kulturguneko plazan eta euria egiten badau eskolako aterpean. Bertan Aissa Intxausti eta Igor Elortza bertsolariak egongo dira bazkaria girotuten.
Arrastian Andra Mari Txapelketea jokatuko da Arlonagusian eta bertan Regional ligako taldearen aurkezpena egingo dau Lemoako Harrobik. Egunari amaiera on bat emoteko poteo musikatua egingo dabe Arlonagusian hasita Lemoako tabarnetatik zehar.
Bazkarirako txartelen prezioa hamar eurokoa da umeentzat eta 20 eurokoa helduentzat eta lehen aitatu moduan udaletxean erosi ahal dira urri lehenengoaren 3ra arte.