Oin minutu gitxi zabaldu dira Ganzabal Mendi Talde lemoaztarrak zemendiaren 15erako antolatu dauan X. Lemoatx Trail mendi jardunaldirako inskripzinoak buscametas.com webgunean. Izena emoteko aukerea, proba bakotxerako (17K eta 25K lasterketak zein 25K martxea) dagozan 200 dorsalak (martxa familiarrean 250 dorsal) amaitu arte edo zemendiaren 8ra arte egongo da zabalik. Lasterketak Bizkaiko mendi Txapelketarako puntuagarriak dira.
Ganzabal Mendi Taldetik azaldu dabenez, ibilbideak edertasun natural handiko eremuetatik (Urkiolako Parke Naturala, Legarmendi mendilerroa...) zein balio historiko handikoetatik (Lemoatxako Gerra Zibileko bataila zelai eta lubakiak) pasauko dira. Tontor nagusiak Belatxikieta (661 m), Lemoatxa (363 m) eta Aspunta (365 m) izango dira eta Lemoa, Zornotza, Dima zein Igorreko lurretatik igarako dira.