Motorzaleak gero eta leku gehiago hartzean dabiz Arratian eta heltzean hurrengoak, + Curvas taldeko andra motorzaleak izango dira. Antolatu daben lehenengo kontzentrazinoa izango da eta Lemoan egingo da jai handia. Taldetik azaldu dabenez, andra zein gizonen- tzako eguna izango da, baina andrak izango dira protagonista nagusiak: “Asmoa da motorraren munduan bardinatasuna badagoala eta andra asko garala erakustea”.
Holan, motor modalidade desbardinetako neskato eta andra konbidauak egongo dira topaketan, euren auto, moto eta kart-akaz: Noa Goiricelaya, Aitana Peña, Izaro Garcia, Uxua Orcoyen, Eguzkiñe Enriquez, Ianire Ezeiza eta Laura Cabezas berbarako. Ruben Sevilla be egongo da topaketan, motor gainean akrobaziak egiten.
Izen-emotea eta egitaraua
Izena, 20 euroko prezioagaz, egunean bertan emon ahal izango da 09:00etatik aurrera eta bertan sartzean dira bazkaria, edari bat, oparia eta zozketarako errifea. Halanda be, plazak mugatuak dira eta beraz, antolakuntzatik izen-emotea aldez aurretik egitea gomendau dabe, 642 804 811 telefonoan.
Motor ibilbidea 10:00etan hasiko da, 12:00etan ume pilotuen erakustaldia, baz- karia 14:30ean, 16:00etan motorzaleen jolasak; 18:00etan, akrobazia ikuskizuna eta ekitaldia 19:30ean amaituko da, errifen zozketeagaz.