Alde batetik, Lemoako Txirrindulari Eskolako Beñat Bobetek eta Peio Erdoizak parte hartu dabe Oiartzunen jokatu diran Euskadiko Eskolarteko Kirol Jokoetan. Bertan, Peio Erdoizak lorpen handia eskuratu eban: Bizkaiko selekzinoagaz lehiatu ostean, Euskadiko BTT txapeldun izentau zan. Garaipen horreri esker, Melillan jokatuko dan Espainiako Eskolarteko Txapelketan Euskadi ordezkatuko dau.
Bestetik, Lemoako Eskupilota Taldeko Liher Martínezek eta Xabier Ortuzarrek Bizkaiko Trinkete Txapelketako txapela irabazi dabe Alebin B mailan. Final handian Markinako Pilota Eskolako bikotea menderatu eben, denporaldi osoan egindako lanaren saria eskuratuz.
Holan, astegoien bereziki emonkorra izan da Lemoako kirolarientzat; izan be, Euskadiko txapela eta Bizkaiko txapela batu ditue herriko gazteek, euren maila agerian itxita.