Jaia eguerditik aurrera ospatuko da eskoletan, 20:00ak aldera herritik poteoan urten arte. Tartean, Naroa eta Ibai trikitilariek girotuko dabe jaitxoa eta bazkalorduan taloa, sagardaoa, freskagarriak eta postrea zerbitzauko dira; baina txartelak erosita egon behar izan dira.
Egitaraua 12:30ean hasiko da, Joxe Ezpeletaren ardi-mozte erakustaldiagaz. 13:30ean barriz, Sokatira Txapelketa Herrikoia jokatuko da. Parte hartzeako, nahikoa izango da egunean bertan izena emon eta sokan tiratuten ipinteagaz. Bazkalostean barriz, frontoira mobiduko da giroa. Izan be, Euskal Pilota Selekzinoa Euskal Herritik Mundura Txapelketan dago murgilduta, mundialerako prestakuntza moduan, eta partiduak jokatuko dabez Lemoan. Honeek amaituta, Bakioko Txerokiak taldekoek trikitixak hartu eta poteoa gidatuko dabe tabernaz taberna.