Atzen urteetan Memoria eta Kultur Astea izan dana maiatz osoan luzatu da aurten eta lehenengo hamabostaldiko jarduerak pasauta, atzen biak egingo dira oin. Gaur, eguena, Ane Labakak haurdunaldian zehar idatzitako Hezur berriak poema liburuan oinarritutako bertso-saio literarioa egingo da, 19:00etan Kotxepinen. Bertan, Labakaren poema liburuko testu hautatuen irakurketea, Ines Osinagaren musikeagaz buztartu eta Onintza Enbeita, Jone Uria eta Erika Lagomaren bat-bateko bertsoaldiakaz tartekatuko da.
Bihar, hilak 22, barikua, 18:00etan Antxo ta Pantxa pailazoen Lurrazpitik atzen ikuskizunagaz gozatuteko aukerea izango dabe txikerrenek. Pailazoak indusketa arkeologiko batera joango dira eta bertan topatutakoakaz, jolasak, jantzak eta magia baliatuta, helduen gerren gainean egingo dabe berba.