Musikazaleek, Arratiako Musika Eskolako ikasleen emonaldietaz gozatu ahalko dabe gaur Lemoako Kotxepin Kultur Etxean. Emonaldi bi egongo dira arrastian zehar. Lehenengoa 18:00etan egingo dabe eta bertaratu ezin diranentzako bigarren emonaldi bat egingo dabe 19:15ean.
Ekitaldi honegaz Lemoako Kultura eta Memoria ekimena bere amaierara heltzean dabil. Gaurkoa eta beste bi ekintza gehiago falta dira aurtengo ekimenari agur esateko. Hurrengo ekitaldia, maiatzaren 21ean izango da, eguena, eta bertan Ane Labaka, Ines Osinaga, Onintza Enbeita, Jone Uria eta Erika Lagomak egingo daben Hezur berriak bertsosaio literarioaz gozatu ahalko dabe Kotxepin Kultur Etxera hurbiltan diranak. Atzen ekitaldia, Antxo eta Pantxa pailazoen Lurrazpitik ikuskizuna izango da, maiatzaren 22an, arrastiko 18:00etatik aurrera Kotxepin Kultur Etxean.