AEDren Buah txabal! eta Erdaldun berrien kluba bakarrizketak moduan, hau ez da stand up formatuko saioa, izan be, antzerkiko osogaiak be badaukaz. Egileek dinoe, helduentzako aproposa bada be, hamabost urtetik aurrerako gazteek hurbilago sentiduko dabela kontakizuna.
Testua Maria Osesek idatzitakoa da eta Iholdi Beristain aktoreak atzeztuten dau taula gainean. "Maria Isabel naz ni eta dramak kontatzera nator; beti be, umoretik. Izan be, umorea tresna oso potentea irudituten jata gura doguna esateko. Ez dodaz gauza arraroak edo ezohikoak kontetan, egunerokotasuneko kontuak baizik. Umoretik eta mediokridadearen apologia garbia eginaz", dino Beristainek.