Ekimenaren helburua herriko auzoetan, ermitetan eta urtean zehar antolatzen diran ekimenetan herritar taldea kantuan eta jantzan ipintea da, “Gure herria kantan ta dantzan jarriko dogu” lelopean.
Deialdia Eingo 2026 ekimenaren barruan kokatzen da. Informazino gehiago eskuratzeko, antolatzaileek hartu-emonetarako helbidea eta telefonoa zabaldu dabez: eingotar@gmail.com eta 679 417 353.
Eingo taldeak Igorren dauka bere egoitzea, etxea; eta han lortutako errotzea eta jai giroa Lemoara eroatea dauka helburu oin. “Jente moltso bat lortu gura dogu zezeiletik bagilera arte barikuro Lemoan batuko dana. Panderoa, kantak eta kontuak… edade guztietako lagunak batzea da helburua”, adierazo deutso BEGITUri Iker Allur Eingoren arduradunak.