Pasau dan asteko astelehenean, goizaldeko 02:00etan, Ertzaintza auzo honetako etxebizitza blokeetan sartu zan eta bertan bizi diran persona guztiak identifikau ebazan. Honegaitik, Karabie Gaztetxeko eta Harriketarrak Gazte Asanbladako kideek komunikadu bat atera eben hurrungoa esanez: “Udalak, persona honeei errolda eskubidea ukatuten deutse eta ondorioz, errolda barik, ezin dabe lanik ezta etxebizitzarik lortu. Honen ondorioa euren bizi baldintzak ezin hobetutea da".
Karabie eta Harriketarren asanbladakideek Agarreko familiei urtenbide bat emotea, errolda eskubidearen bermea emotea eta familien bizi baldintza onak bermatutea eskatuten deutsie Lemoako Udalari.
Bestalde Lemoako Udalak be, egoera honen aurrean, komunikadu ofizial bat atera eban. Bertan adierazo eban etxebizitza horreek okupatuten dabezan persona eta familien berkokapena egiteko lanean dabilela eta persona honeen bizileku, gizarte eta osasun-premiei erantzuteko, Eusko Jaurlaritza eta Bizkaiko Foru Aldundiagaz batera, dispositibo integrala antolatu dauala.